We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Misa ülkantun

by Cristóbal Fones, SJ

/
1.
Mari mari pu peñi, mari mari pu lamngen mari mari pu chachay, mari mari pu papay mari mari kom pu che. Tüfachi antü lif kümengey fewla Chaw Dios trawleyiñmew fey eluduameiñmew ta ñi ayewün, ta ñi ayewün fey eluduameiñmew ta ñi kutranpiwkeyecheael. Fey we mongeleiñmew ka chalintukuleiñmew fey ta ñi fotüm Kesus, fey ta ñi fotüm Kesus fey ta ñi fotüm Kesus. Püramyeiñ ka ayekaiñ, püramyeiñ ka ayekaiñ Ngünechen müley iñchiñ mew, Ngünechen müley iñchiñ mew, püramyeiñ ka ayekaiñ.
2.
Ñidol, kutranduamniemuiñ (epu rupa) Kristo, kutranduamniemuiñ (epu rupa) Ñidol, kutranduamniemuiñ (epu rupa)
3.
“¡Yeñpüramngepe ta Ngünechen wenu mew! ka küme tüngün mülepe ta mapu mew feytichi pu che llownielu kisu ñi füreniechen” Yeñpüramngepe ta Chaw (epu rupa) Yeñpüramngepe ta Fotüm (epu rupa) Yeñpüramngepe ta Lif Küme Püllü (epu rupa)
4.
Aleluya 01:21
Aleluya, aleluya, aleluya, aleluya (epu rupa) Kesus feypi: Chaw Dios werküenew ñi kimelafiel chi Fütra Küme Dungu pu kuñifall che mew. Aleluya
5.
Llellipuaiñ ta iñ Wenu Chaw Allkütunge llemay Chaw Dios iñchiñ ta iñ ngillatun mew
6.
Eluwiyiñ, Chaw Dios tüfachi kofke fey ta mi fotüm Kesus ta ñi kalül ngeay, ta ñi kalül ngeay Eluwiyiñ kafey tüfachi pulku Fey ta mi fotüm Kesus ta ñi mollfüñ ngeay, ta ñi mollfüñ ngeay
7.
Lif mongen-ngey, lif mongen-ngey, lif mongen-ngey ta Ngünechen Ngenwallmapu, Ngenwallmapu Apoley ta wenu ka ta mapu ta mi yeñpüram mew Hosanna wenu mapu mew Hosanna wenu mapu mew Yeñpüramngepe ta chi küpalu Ñidol ta ñi üy mew Hosanna wenu mapu mew Hosanna wenu mapu mew
8.
Iñchiñ ta iñ Chaw Dios wenu mapu mew müleymi yeñpüramngepe ta mi üy küpape iñchiñ mew ta mi Ngünechen-ngen Dewpe chem tami ayün nagmapu mew, wenumapu reke elumuyiñ ta iñ kofke fill antü ipeyeel fill antü ipeyeel Ngoymalmuyiñ ta iñ yafkan chumngechi ta iñ ngoymalkeel tuchi ta iñ yafkanien Ngoymalmuyiñ ta iñ yafkan Ngoymalmuyiñ ta iñ yafkan Eluñmamukiliyiñ konael wedake dungu mew ka montulniemuyiñ fill wedake dungu mew felepe may, felepe may
9.
¡Ngünechen ñi wentru ufisa, ta mi machituel nagmapu ñi yafkan, kutranduamniemuiñ (epu rupa) ¡Ngünechen ñi wentru ufisa, ta mi machituel nagmapu ñi yafkan, eluyemuyiñ ta llakon eluyemuyiñ ta llakon
10.
Fey piwkeyechen ta chumkawnorume aflayay Fey ta chi nielu piwkeyechen niey ngenoafeluwün ka küme piwkengey, nielay ütrirchen, ka kisutu kimkawkelay, ka mallmangelay rume, ka fill wesa pikelay rume, ka chekawünngelay rume, lladküfemkelay ka kañmatuchekelay rume. Fey piwkeyechen ta chumkawnorume aflayay Fey ta chi nielu piwkeyechen, niey ngenoafeluwün ka küme piwkengey nielay ütrirchen, nielay ütrirchen ka kisutu kimkawkelay, ka mallmangelay rume Fey ta chi nielu piwkeyechen fill weda pikelay rume, ka chekawün-ngelay rume, lladküfemkelay ka kañmatuchekelay rume Fey ta chi nielu piwkeyechen ayüwkelay müleyüm wedake dungu, welu may ta chi rüfngechi dungu mew ta chi rüfngechi dungu mew Fey ta chi nielu piwkeyechen itro kom mew kutrankawkey, kom küme feyentukey, üngümkey maneluwün mew ka itro kom ngenoafelkey
11.
Nütunge, Ñidol, ka llowtunge fill iñche ta ñi ñeifün; ta ñi inarumen, ta ñi rakiduam, ka iñche ta ñi fill ayün, ka iñche ta ñi fill ayün. Nütunge, Ñidol, ka llowtunge fill iñche ta ñi ngen, fill iñche ñi nien, eymi ta elufen; iñche, Ñidol, ka wültueyu ta, iñche, Ñidol, ka wültueyu ta. Nütunge, Ñidol, ka llowtunge itro fill ta eymi, ngenenge ta mi ayün mew; itro fill ta eymi, itro fill ta eymi. Eluen ta mi ayewün ka ta mi füreniechen; ta ñi feykaleel ta tüfa. Feley may, felepe may, feley may, felepe may.
12.
Mari mari Maria, apoleymi kümeke dungu mew, ta iñ Ñidol müley eymi mew, dullingeymi rangi pu domo, chumngechi dullingen ta mi püñeñ Kesukristo Üllcha domo Maria, Dios ñi ñuke, Dios ñi ñuke rume yafkafengeyiñ ngillatuñmamuyiñ fewla, ka laliyiñ tunten mew rume Felepe may, felepe may, felepe may, felepe may
13.
Ñidol Ngünechen, iñche ta ñi kamañ llemay, chem no rume duamlan (epu rupa) Malaltüku yeniekünuen karü kachu mew tügkülechi llakon inafül ko püle Nguyulkiyawniekeen yafül rüpü mew Nguyulkiyawniekeen yafül rüpü mew Trekayawfuli rume dumiñnagkülechi külleg waw mapu mew, llükakelayan Eymi, iñche ñi inafül mew ñi miawmeken mew llemay
14.
Ayüwün 04:29
Kom che kimfalu ñi kuñifal chengen Ñidol Ngünechen mew ayüwfalingün feytichi che ñi “Ngünewkeel chi wenu mapu” ñi konküleal engün, ñi konküleal engün Kom che lladkün piwke nagkülelu ayüwfalingün, ayüwfalingün Ñidol Ngünechen, Ñidol Ngünechen yawfülduamüñmayafay engün yawfülduamüñmayafay engün Kom pu che ngeñikawnolu ayüwfalingün, ayüwfalingün Ñidol Ngünechen, Ñidol Ngünechen elelkünuafi chi mapu, elelkünuafi chi mapu Kom che fücha ayüfule ñi wechuleal Ñidol Ngünechen ñi piel ayüwfalingün Ñidol Ngünechen wechulelafi ñi duamken wechulelafi ñi duamken, wechulelafi ñi duamken Kom che kutranpiwke yechelu ayüwfalingün, ayüwfalingün Ñidol Ngünechen, Ñidol Ngünechen ka kutranpiwke yeafi engün, ka kutranpiwke yeafi engün Kom che ta küme lif piwke ngelu ayüwfalingün, ayüwfalingün fey ta Ñidol Ngünechen, Ngünechen ñi ad peafingün, ñi ad peafingün Kom che ta küdawkelu ñi kümeke rüf nor düngu mülealu ayüwfalingün Ñidol Ngünechen llowngeafi kisu ñi fotüm reke llowngeafi kisu ñi fotüm reke, llowngeafi kisu ñi fotüm reke Kom che ta inantükuyawülngefuli iñche ñi pin ñi wechuñmafel ayüwfalingün fey ti chi che ñi “Ngünewkeel chi wenu mapu” ñi konküleal engün, ñi konküleal engün

credits

released September 1, 2001

license

all rights reserved

tags

about

P. Cristóbal Fones, SJ Chile

contact / help

Contact P. Cristóbal Fones, SJ

Report this album or account

If you like Misa ülkantun, you may also like: